Santa rusalia rimita e bedda,
la veru rosa di nostru Signuri,
A munti Piddirinu è la so chiesa
ca iornu e notti stava addinucchiuni.
l'ucchiuzzi so facianu funtaneddi
pi lavari li chiaghi a lu Signuri.
La figlia di lu re Sinibaldi,
la veru rosa di nostru Signuri.
Ci iva lu diavulu dà n'idda:
Rusalia venitinni Rusalia,
venitinni nsemmula cu mia.
To patri chianci, to matri chianci,
e tu nti sta grutta li carni ti manci.
Rispunni idda e ci dici:
Si sì veru cristianu,
te ccà sta cruci e tenila mmanu.
Ora chissu nun pozzu fari, picchì sugnu Luciferu nfirnali.
0 comments:
Post a Comment